# البرهان واللعب على الحبلين

 اللعب على الحبلين والنفاق السياسي كان بيمشي ويغش الناس وكان واحد من أهم أسباب نجاح الكيزان واستمرارهم في السلطة تلاتين سنة!

#الخواجة لما صنع التنظيم الشيطاني دا صنعو بوشين وما بتقدر تشوف الوشين مع بعض من جهة واحدة:

 * الوش الأول (للشعب السوداني): دقون وقناع إسلامي وشعارات من عينة نصر من الله وفتح قريب و*الله أكبر.. الله أكبر"* وهي لله هي لله.

 * الوش التاني (لأمريكا والمجتمع الدولي): 

خطاب علماني ليبرالي منبطح بس ما علمانية عدالة ودولة قانون.. لا لا علمانية تبعية ذليلة بتقدم أولويات الخواجة وأجنداته على مصلحة الوطن والسيادة بس عشان يرضوا عنهم ويخلوهم في الكرسي!

لكن يا فارات.. زمن الغش انتهى! 🚫

#الكلام دا كان بيمشي زمان في وقت نشرة الساعة تسعة

وساحات الفداء 

لما كانت مصادر الأخبار محصورة وموجهة. 

هسة نحن في زمن (إيلون ماسك) والستارلينك والفضائيات المفتوحة ما في حاجة بتستخبى!

#اليوم كلو بقى على عينك يا تاجر:

 * البرهان والي_هود: 

شفنا البرهان لاقاهم عيانًا بيانًا وهسة الصحافة العالمية زي جيروزاليم بوست في الصورة دي بتكشف المستور وتؤكد إنو البرهان بيطلب النجدة من إسرائيل لإنقاذ قواته مقابل التطبيع الكامل!

 * نفاق الكيزان (مكي المغربي نموذجًا): 

#الكوز مكي المغربي مشى لاقى اليهود عدييل وقال ليهم: 

#الإبراهيمية دي هينة ومقدور عليها نحن دايرين نوقع معاكم توأمة عدييييل.. بس حلّونا وخلصونا من القحاتة ديل!" 😁

#الخواجة ما بكرر خطتو مرتين!

الخواجة أكتر زول عارف إنو موديل التسعينات وضياع الزمن في اليمن ما بياكل عيش في الزمن دا واللعبة دي خلاص كرتها حرق.

#الآية واضحة ومكشوفة.. ربنا سبحانه وتعالى ما قال ينزع الملك ويؤتيه بل العكس تماماً: يُؤتي الملك أولاً.. ثم يَنزِعُه نَزْعاً! والنزع العنيف الشغال هسة دا هو نهاية النفاق واللعب بالدين.

#السودان #الكيزان #النفاق_السياسي