صوت السودان

 ‏وزارة الطاقة السعودية تصدر بيان بشأن توقيع السعودية مع أمريكا اتفاقية التعاون النووي المملكة والولايات المتحدة الأمريكية توقّعان اتفاقية تعاون في مجال الاستخدامات السلمية للطاقة النووية وقعت حكومة المملكة العربية السعودية وحكومة الولايات المتحدة الأمريكية اتفاقية التعاون في مجال الاستخدامات السلمية للطاقة النووية بين البلدين، وذلك في إطار الشراكة الاستراتيجية التي تجمع البلدين الصديقين، واستكمالاً لما تم الإعلان عنه خلال زيارة صاحب السمو الملكي الأمير محمد بن سلمان بن عبدالعزيز آل سعود، ولي العهد رئيس مجلس الوزراء - حفظه اللّه- إلى الولايات المتحدة الأمريكية في نوفمبر الماضي، بشآن اكتمال المفاوضات المتعلقة بالتعاون بين البلدين في مجال الاستخدامات السلمية للطاقة النووية، وتعزيزاً للتعاون الثنائي في مجالات الطاقة والتقنيات المتقدمة. وتهدف الاتفاقية التي وقعها صاحب السمو الملكي الأمير عبدالعزيز بن سلمان بن عبدالعزيز؛ وزير الطاقة، وزير الصناعة والثروة المعدنية، مع معالي وزير الطاقة الأمريكي كريس رايت، إلى تعزيز التعاون بين البلدين في مجال الاستخدامات السلمية للطاقة النووية، ودعم تبا...

#المنطقة اليوم عايشة واحدة من أعقد لحظات التنافس الجيوسياسي والبحر الأحمر بقى المحور الأساسي للشرارات والتطاحن! #زيارة الفريق عبد الفتاح البرهان لإريتريا في التوقيت ده بالذات وتفضيل أسمرا على القاهرة اللي كان ديماً بيطير ليها وقت المحن ما جات من فراغ..  #الزيارة دي شايلة رسائل سياسية وعسكرية تقيلة جداً. 💡 أصل الحكاية والشرارة الإثيوبية #التصريحات الأخيرة لـ برهانو جولا رئيس أركان الجيش الإثيوبي وتلميحات آبي أحمد بأن إثيوبيا لازم تجهز عشان تضمن منفذ بحري عملت كتمة وقلق إقليمي كبير! #إثيوبيا شغالّة بثقة أكبر بعد ترتيباتها مع أرض الصومال وتقاربها مع قوى دولية والرغبة دي بالنسبة للسودان وإريتريا خط أحمر ومحاولة لتغيير الخارطة وفرض واقع جديد. 🔍 دلالات التحرك بين الخرطوم وأسمرا:  * تأمين الحدود الشرقية: #الخرطوم عايزة تقفل أي منفذ لنشاط مسلح أو تهديد للجيش من جهة الشرق.  * إرسال رسالة قوة:  محاولة لإظهار إن الدولتين – برغم ظروفهم الحالية – ما هايسكتوا ولن يسمحوا بإعادة رسم النفوذ في القرن الأفريقي بدونهم.  * الوضع العسكري الشائك: #الزيارة جات وسط اتهامات متصاعدة بأن...

 🔥 واشنطن ودخلت على الخط العريض.. اتهامات بالكيماوي وعقوبات جديدة! القصة شنو؟! 🇸🇩💥 الناس المتابعة الأخبار الأيام دي أكيد شافت التصريحات الأخيرة الصادرة من الخارجية الأمريكية وواشنطن والخبر الضارب الميديا حالياً. القصة وما فيها: #الولايات المتحدة الأمريكية طلعت تصريحات خطيرة جداً وقالت إنها فرضت عقوبات إضافية على الحكومة السودانية والسبب حسب كلامهم ووفقاً للقانون الأمريكي هو اتهامات موجهة للجيش السوداني باستخدام أسليحة كيماوية وطالبوا بضرورة الامتثال". أهم النقاط في التصريحات الأخيرة:  * 📌 العقوبات الجديدة: #الخارجية الأمريكية أعلنت رسمياً فرض عقوبات إضافية على الحكومة السودانية عملاً بالقوانين الداخلية عندهم.  * 📌 الملف الكيماوي: #واشنطن وجهت اتهامات مباشرة للجيش باستخدام مواد كيماوية وطالبته بالالتزام بالمعايير والاتفاقيات الدولية. #الشارع السوداني والمتابعين طبعاً مقسومين ومحتارين.. في ناس شايفين إنها الضغوط السياسية الدولية بدأت تزيد وتشد حيلها وناس تانيين شايفين إنها اتهامات محتاجة لإثباتات وستكون ليها تبعات كبيرة جداً على المشهد السياسي والعسكري في البلد. أنتو ...

منو البيدمج منو⁉️ إشكالية الأرقام والواقع في معادلة (الجيش والدعم السريع) 🇸🇩⚖️ يا جماعة، لو جينا مسكنا ملف "الجيش الواحد" بعيداً عن الشعارات العاطفية والتمنيات، وبصينا للواقع بـ لغة الأرقام والمنطق العسكري، حنلقى أنفسنا قدام سؤال كبير ومُعقّد جداً.. منو البيدمج منو في النهاية؟ 🧐 الجدل الماشي هسي في الشارع وفي الغرف المغلقة مش بس عن "هل هيتم دمج؟"، لا.. الإشكالية الحقيقية في "كيفية" الدمج ده في ظل معادلة اختلال التوازن العددي والميداني: 1️⃣ التحدي العددي بفرص واقع جديد: 📊 لما نتكلم عن قوات الدعم السريع، نحن ما بنتكلم عن فصيل صغير أو حركة مسلحة بضعف محدود؛ نحن بنتكلم عن أعداد ضخمة وانتشار واسع. بالمقابل، الجيش المؤسسي عنده الهيكل التنظيمي، التاريخ، والغطاء القانوني، لكن الضغط الميداني والنزيف المستمر خلى العجز العددي يستدعي الاستنصار بالمستنفرين والحركات المسلحة. السؤال الهنا: كيف تقدر تدمج كتلة عدادية ضخمة جداً داخل جسم عسكري تقليدي من غير ما الكتلة دي تبتلع الجسم نفسه أو تغير عقيدته؟ 2️⃣ فكرة "الابتلاع الناعم" مقابل "الاحتواء الهيكلي...

 : فكك الشفرة.. هل هي انشقاقات حرب ولا إعادة هيكلة بالبوابة الخلفية⁉️ 🧐🇸🇩** يا جماعة لو عايننا للصورة الكبيرة بعيداً عن العواطف والشحن الإعلامي الراي والراي الآخر حنلقى في تفاصيل كدة ماشة في خط متوازي ومريبة جداً. ركزوا معاي في الربط ده: #أولا.  كرت المعاشات في الجيش:** 🎖️ الإحالات للمعاش اللي بتم في صفوف ضباط الجيش  والناس بتقول عليها تصفية أو تغيير موازين  ممكن جداً تكون هي عملية إفراغ لمواقع معينة عشان تستوعب القيادات الجديدة اللي جاية من الانشقاقات  أو للتخلص من الرؤوس الرافضة لسيناريوهات التسوية القادمة. #ثانياً.  موضة الانشقاقات من الدعامة :** 🔄 حكاية النور القبة وقبله فلان وعليان والانسحابات اللي بتم بـ هدوء ونظام  لدرجة الاستقبال في الدبة  أو غيرها..  دي ما صدفة.  دي بتشبه جداً عملية دمج ناعم .  بدل ما يتم الدمج بورقة وقلم في طاولة مفاوضات والناس ترفض  بيتم الدمج ميدانياً تحت مسمى الانحياز للوطن وبكدة الطرفين بيكسبوا: الجيش بيكسب قوات جاهزة والدعامة بيضمنوا وجود عناصرهم داخل المنظومة القادمة. #ثالثا.  سيناريو ...

 

 إنه الإطاري بس دلعوه! 😉🇸🇩 #الحكاية ميتة ومنتهية واللعبة بقت على المكشوف. زمان لما الفريق شمس الدين الكباشي مشى المنامة الإعلام الكيزاني أقام الدنيا وما قعدها وسرّب الخبر عشان يفركش أي تقارب.  #الليلة نفس الإعلام دا وبنفس الوجوه قاعد يسرّب تفاصيل لقاء الكباشي مع مستشار الرئيس الأمريكي مسعد بولس في القاهرة بس المرة دي بـ لغة ناعمة وطرح إيجابي ذي الهدنة الناعمة 😸 سبحان مغير الأحوال.. من منذرين إلى مبشّرين! #الحقيقة الواضحة العايزين يغطوها بـ الدلع الجديد هي إن المؤسسة العسكرية وافقت رسميًا على خارطة الحل الدولي بتاعت جدة والمنامة وجنيف والبنود دي بالحتة هي نفس الإطاري الكانوا بيشيطنوه:  * هدنة إنسانية طويلة لمدة 90 يومًا.  * آلية أممية–أفريقية–عربية للإشراف على الانسحابات ومراقبة الهدنة.  * ترتيبات أمنية صارمة: نزع السلاح، التسريح، وإعادة الإدماج (DDR).  * تجميع القوات في معسكرات محددة تحت عين المراقبين الدوليين.  * الوصول لجيش موحد يخضع تمامًا لحكومة مدنية منتخبة وإبعاد الجماعات المتطرفة. 🛑 كذبة الانسحاب الكامل وحفظ ماء الوجه #القصص البتتكتب في الم...

 لا بديل إلا المدنية.. ومعسكر "لا للحرب" هُم صنّاع السلام الحقيقيين! 🇸🇩✨ #القراية الصحيحة للواقع السوداني الليلة بتقول حاجة واحدة:  #الرهان على الأيديولوجيات القديمة ووجوه النظام البائد هو رهان على حصان خاسر ومجرّب والمجرّب لا يُجرّب. #العلاقة بين الرياض والمشهد السوداني حالياً بتمشي في طريق شائك؛  محاولة دعم النفوذ الإسلامي جوة الجيش كـ كرت ضغط أو خوفاً من ارتمائهم في أحضان محاور إقليمية تانية زي إيران أو تركيا ما حتكون النتيجة منها إلا إعادة إنتاج الأزمة. تجميل السرطان الإخواني بوجوه جديدة من الصف الثاني أو الثالث والاستعانة بأسماء قديمة جربت وفشلت قبل كدة هي ببساطة خطوة للوراء ومحاولة لبيع بضاعة منتهية الصلاحية لشعب وعيه اتغيّر تماماً بعد 19 ديسمبر. ليه الرهان على العسكر والإسلاميين حيفشل؟  * تغيّر المزاج العام:  #الشعب السوداني والمجتمع الدولي تجاوزوا فكرة حكم الحركة الإسلامية وعودتهم كـ سلطة بقت شبه مستحيلة.  * الخطر الإقليمي:  تغلغل الشبكات دي جوة الجيش ما بيهدد الداخل وبس ده بيمدد النفوذ الإيراني في البحر الأحمر وبيهدد أمن الإقليم كله بما فيهو...

 هل الدعم السريع قوات متمردة ⁉️ خلونا نتكلم بالمنطق والقانون بعيداً عن العاطفة لأنو الثغرة الكبيرة الحصلت في صياغة البيانات الرسمية ووصْف الدعم السريع بـ المتمرد على الدولة فتحت جبهة قانونية وسياسية ووثّقت ورطة حقيقية. عشان نفهم الوضع القانوني للدعم السريع وكيف اتطور لازم نرجع للتاريخ والنصوص القانونية اللي صيغت بأيادي النظام السابق وأيادي اللجنة الأمنية نفسها: 1. مرحلة التأسيس والتقنين (عهد البشير) في سنة 2017 أجاز برلمان البشير قانون قوات الدعم السريع لسنة 2017.  #النص القانوني وقتها كان واضح وفيه محاولة لربط القوات دي بالجيش عشان تكتسب شرعية: > المادة (5) - التبعية: > "تتبع قوات الدعم السريع للقوات المسلحة وتأتمر بأمر القائد العام." > لكن حتى مع المادة دي القانون منحها استقلالية مالية وإدارية واسعة وبقت قوات موازية برضا واعتراف الدولة رسمياً وبقانون مجاز من البرلمان أعلى سلطة تشريعية وقتها. 2. مرحلة التعديل وجعلها قوة مستقلة (تعديل البرهان) الدقسة الأكبر ما كانت من البشير الدقسة جات بعد الثورة.  في يوليو 2019 وبموجب مرسوم دستوري صادر من رئيس المجلس العسكري الا...

 #الليلة محكمة الإرهاب والجرائم الموجهة ضد الدولة في بورتسودان جابت من الآخر، وقررت تنهي الجدل الدائر دا كله بـ شخطة قلم واحدة! 😂 #المحكمة أصدرت حكم بإعدام حميدتي وأخوه عبد الرحيم دقلو غيابياً ومعاهم كمية من قادة الدعم السريع بسبب أحداث الجنينة ومقتل الوالي خميس أبكر وكمان بتهم جرائم حرب وجرائم ضد الإنسانية. وما وقفت هنا بس المحكمة قررت مصادرة كل ممتلكات الدعم السريع لصالح الحكومة وكمان قالوا ح يخاطبوا الإنتربول الدولي عشان يروح يقبض عليهم ويسلمهم طوالي لتنفيذ الحكم! تعالوا نفكك الفيلم دا حبة حبة بالمنطق:  * الإعدام غيابياً في نص الحرب؟    يعني يا حميدتي إنت وعبد الرحيم المحكمة دي بتطالبكم تجوا بورتسودان برجلينكم عشان تتعدموا أو على الأقل تعملوا تسليم أهالي عشان الإجراءات القانونية تكتمل! غايتو جنس محاكم وجنس أحكام. 😂  * مخاطبة الإنتربول الدولي!    دي بقى المضحك المبكي في الموضوع الإنتربول اللي عاجز يتعامل مع ملفات سياسية دولية معقدة هسة حيخلي كل مشاكل العالم ويجي يفتش حميدتي وعبد الرحيم وين في الميدان عشان يجيبهم لبورتسودان؟ طيب ما تمشوا تقبضوهم إنت...

 دخلنا الغريق واللعب انتهى عديييل كده! ⚠️ #البيان الأمريكي الأخير القدامتو واشنطن في الدورة (112) للمجلس التنفيذي لمنظمة حظر الأسلحة الكيماوية في لاهاي ما مر مرور الكرام.  ده بيان مليان كلام ثقيل وبيهبش حبل غسيل الحكومة والجيش السوداني بشكل مباشر وخطير. #الناس المتابعة لازم تركز في النقاط الجاية دي عشان نفكك الشفرة سوا: 1. كلمة خلصت .. دي ما ونسة ساي! #أمريكا وجهت اتهام مباشر وصريح باستخدام أسلحة كيماوية في سنة 2024. والخطير هنا إنهم استخدموا كلمة خلصت (concluded)، ودي باللغة الدبلوماسية والاستخباراتية معناها عندنا الأدلة القاطعة والجاهزة في جيبنا"ة وموضوع النفي ما بياكل معانا عيش.  #الأتيام السرية جابت الأدلة دي من جوة البلد سواء دخلوا بغطاء إنساني سياسي أو إعلامي ودي معلومات استخباراتية حاسمة ما بتطلع للعلن في المغالطات السياسية زي ما فاكر الحارث إدريس. 2. بلّوا تقريركم واشربوا مويتو!" 📄💦 #اللجنة الوطنية السودانية النفَت استخدام الكيماوي؟ #أمريكا بلّت التقرير ده وشربت مويتو عدييل!  قالوا بوضوح إنو اللجنة دي غير مستقلة وبتشتغل تحت سلطة الجهة المتهمة ذاتها والتقري...

 #تقرير قناة الحدث الأخير دا؟ 👇 منزلين دراسة ميدانية جديدة بتأكد المؤكد وبتقول إنو 93% لـ 94% من السودانيين رافضين الحرب دي تماماً ومقاطعينها. بيني وبينكم.. هل كنا محتاجين دراسة عشان نعرف الحقيقة دي؟ 🤔 أكيد لا! ما أي زول فينا عايش الواقع دا وعارف البير وغطاها:  * الوجع واحد:  #الحرب دي ما خلت بيت ما دخلت فيهو حسرة وما خلت زول ما اتأذى في أهله ماله أو مستقبله.  * النزوح والغربة:  منو فينا العاجبو التشريد والبهدلة البقينا فيها؟  الكل شفقان على بلده ونفسه يرجع لبيته وحياته الطبيعية اليوم قبل بكرة.  * الدمار الشامل:  البنية التحتية المستشفيات المدارس.. كلو انتهى وما في سوداني عاقل وبحب بلده بكون عاوز الخراب دا يستمر دقيقة واحدة زيادة. ليه التقرير دا والدراسات دي مهمة هسي؟ رغم إننا عارفين الحقيقة دي بقلوبنا وبالمعايشة اليومية لكن التوثيق بالأرقام مهم شديد لعدة أسباب:  * صوت الشعب الحقيقي: عشان العالم كلو يعرف وبأرقام حقيقية وميدانية إنو الشعب السوداني بريء من الدمار دا وصوته الحقيقي هو صوت السلام والإعمار.  * قطع الطريق على المتاجرين: ...

 #العبيد_والعرب_والعراب  ذاكرتنا ما بتنسى والتاريخ ما بيرحم وقاعد يسجل كل كلمة وكل موقف! ⚠️ في وقت بنشوف فيه تبدل المواقف والنفاق السياسي شغال لازم نرجع شريط الذكريات شوية لـ أبريل 2021.. بالتحديد بعد أحداث #معسكر أبو ذر في الجنينة. وقتها الوالي كان الدومة وهيئة محاميي دارفور (البينتمي ليها الوالي) طلعت بيان قوي استنكرت فيه زيارة البرهان اللي تمت في غياب والي الولاية. 🛑 #كواليس الزيارة والصدمة: أول ما البرهان وصل اتوجه لمعسكر أبو ذر يوم 13 أبريل وقف على الحرائق وشاف النازحين والدمار.. لكن الصدمة كانت بعد رجوعه مباشرة للفرقة لما طلب اجتماع مع بعض أعيان القبائل العربية. بعد السلام وجه ليهم لوم غريب وعجيب بيوضح العقلية الكانت بتدير المشهد خلف الكواليس: > "ما كنت متوقع انو أجيكم بعد أسبوع كامل من حرب حول معسكر زي أبو ذر.. وألقى فيه شِعْبة واقفة ولا عود لسه شايل راكوبة ولا نازح قاعد جوه المعسكر دا! > شغلكم دا ما نضيف كلو كلو.. انتو سَمَكم برد ودا شغل تعبان.. لازم تشتغلوا شغل نضيف نقدر نسكت بيه الآخرين!  أسي ما سامعين هيئة ا.لعبيد دي (يقصد هيئة محاميي دارفور) بتقول شنو؟!...

 كل البيض في سلة واحدة يسهل التخلص منه! 🥚🗑️ الورق كله بدأ يتكشف للناس الصاحية.  #الصورة دي وتصريح كبر  دا بيلخص لينا الحكاية كلها في سطرين:  #الحركة الإسلامية دفعت بالبرهان للرئاسة ولا يملك القدرة على فك الارتباط بها". طيب الكلام دا معناه شنو بالبلدي كدا وبلغتنا البسيطة؟ 🤔 الخطة "ب" واللعب على الحبلين #الناس دي من زمان شغالة بنظام توزيع البيض في كذا سلة ناس يلبسوا الكاكي وناس يلبسوا الجلاليب وناس يعملوا فيها مستشارين وخبراء استراتيجيين وناس يدخلوا في تحالفات تحت تحت.  لكن لما لقت الحبل ضاق عليها والشارع السوداني كاشف ألاعيبها قررت تجمع كل بيضها الفاسد وتخطه في سلة واحدة.. والسلة دي هي البرهان واللجنة الأمنية. ليه كل البيض في سلة واحدة"؟  * ربط المصير: ربطوا وجودهم وبقاءهم السياسي بوجود رأس السلطة الحالي. بقوا هم والبرهان حتة واحدة كأنهم بيقولوا ليه: مصيرنا واحد يا نغرق سوا يا ننجو سوا".  * العجز عن فك الارتباط:  زي ما قال كبر بعضمة لسانه #البرهان ما عنده القدرة ولا القوة ولا حتى الإرادة إنه يفك ارتباطه بيهم لأنه ببساطة صنيعة يديهم والرافعة الكا...

 اللعب على الحبلين والنفاق السياسي كان بيمشي ويغش الناس وكان واحد من أهم أسباب نجاح الكيزان واستمرارهم في السلطة تلاتين سنة! #الخواجة لما صنع التنظيم الشيطاني دا صنعو بوشين وما بتقدر تشوف الوشين مع بعض من جهة واحدة:  * الوش الأول (للشعب السوداني): دقون وقناع إسلامي وشعارات من عينة نصر من الله وفتح قريب و*الله أكبر.. الله أكبر"* وهي لله هي لله.  * الوش التاني (لأمريكا والمجتمع الدولي):  خطاب علماني ليبرالي منبطح بس ما علمانية عدالة ودولة قانون.. لا لا علمانية تبعية ذليلة بتقدم أولويات الخواجة وأجنداته على مصلحة الوطن والسيادة بس عشان يرضوا عنهم ويخلوهم في الكرسي! لكن يا فارات.. زمن الغش انتهى! 🚫 #الكلام دا كان بيمشي زمان في وقت نشرة الساعة تسعة وساحات الفداء  لما كانت مصادر الأخبار محصورة وموجهة.  هسة نحن في زمن (إيلون ماسك) والستارلينك والفضائيات المفتوحة ما في حاجة بتستخبى! #اليوم كلو بقى على عينك يا تاجر:  * البرهان والي_هود:  شفنا البرهان لاقاهم عيانًا بيانًا وهسة الصحافة العالمية زي جيروزاليم بوست في الصورة دي بتكشف المستور وتؤكد إنو البرهان ...

 🚨 من الخندق إلى المنصة السياسية... هل بدأت معركة جديدة في السودان يا جماعة... في السياسة ما في حاجة بتحصل ساكت وكل خطوة بتتعمل وراها حسابات خصوصًا في بلد معقدة زي السودان #الأيام الفاتت الناس لاحظت تحركات جديدة للمصباح أبو زيد قائد كتيبة البراء من لقاءات مع قيادات مجتمعية وإدارات أهلية وطرق صوفية وسط حديث متزايد عن مشروع سياسي جديد #السؤال البطرح نفسو هل دي بداية انتقال من البندقية إلى السياسة؟ ولا مجرد محاولة لإعادة ترتيب المشهد في ناس شايفين إنو الحاصل طبيعي لأنو أي قوة مؤثرة في الحرب حاتحاول يكون عندها مكان في مرحلة ما بعد الحرب وفي ناس تانين شايفين الصورة بطريقة مختلفة تمامًا... بيقولوا إنو لما المعركة العسكرية تدخل مرحلة معقدة،ة بعض القيادات بتحاول تبني واجهة سياسية تحفظ ليها موقع في المستقبل خاصة مع زيادة الحديث عن العدالة والمحاسبة والضغوط الدولية ولو رجعنا للتاريخ بنلقى إنو في دول كتيرة حول العالم شهدت انتقال جماعات أو قيادات من العمل العسكري إلى العمل السياسي لكن النجاح ما كان مضمون،ة لأنو السياسة عندها قواعد مختلف والشارع هو الفي النهاية بقرر منو البستحق الثقة وبرضو في ...