#,محكمة حميدتي
#الليلة محكمة الإرهاب والجرائم الموجهة ضد الدولة في بورتسودان جابت من الآخر، وقررت تنهي الجدل الدائر دا كله بـ شخطة قلم واحدة! 😂
#المحكمة أصدرت حكم بإعدام حميدتي وأخوه عبد الرحيم دقلو غيابياً ومعاهم كمية من قادة الدعم السريع بسبب أحداث الجنينة ومقتل الوالي خميس أبكر وكمان بتهم جرائم حرب وجرائم ضد الإنسانية.
وما وقفت هنا بس المحكمة قررت مصادرة كل ممتلكات الدعم السريع لصالح الحكومة وكمان قالوا ح يخاطبوا الإنتربول الدولي عشان يروح يقبض عليهم ويسلمهم طوالي لتنفيذ الحكم!
تعالوا نفكك الفيلم دا حبة حبة بالمنطق:
* الإعدام غيابياً في نص الحرب؟
يعني يا حميدتي إنت وعبد الرحيم المحكمة دي بتطالبكم تجوا بورتسودان برجلينكم عشان تتعدموا أو على الأقل تعملوا تسليم أهالي عشان الإجراءات القانونية تكتمل! غايتو جنس محاكم وجنس أحكام. 😂
* مخاطبة الإنتربول الدولي!
دي بقى المضحك المبكي في الموضوع الإنتربول اللي عاجز يتعامل مع ملفات سياسية دولية معقدة هسة حيخلي كل مشاكل العالم ويجي يفتش حميدتي وعبد الرحيم وين في الميدان عشان يجيبهم لبورتسودان؟ طيب ما تمشوا تقبضوهم إنتو من الميدان طالما بتعرفوا مكانهم!
* مصادرة ممتلكات الدعم السريع:
السؤال المهم هنا: الممتلكات دي ياتو وووين؟ العربات المقاتلة الـ تاتشرات"/ العندهم دي؟
ولا البيوت والشركات والمقرات العسكرية والمدنية اللي أصلاً بقت عبارة عن ركام ومناطق اشتباك؟
يعني الحكومة ح تستلم تاتشرات مستعملة في نص المعركة وتدخلها الميزانية؟
📌 الخلاصة:
الحكم دا بيفكرنا بنكتة زول قاعد في نص العاصفة وبيكتب في تعهد للريح عشان تقيف!😂
#القصة بقت واضحة الأحكام دي شكلها معمولة للاستهلاك الإعلامي والسياسي ودقسة قانونية جديدة تضاف لسلسلة الدقسات السابقة.
لأنو الواقع في الأرض شغال بـ قانون القوة مش بـ قوة القانون الغايب أصلاً من يوم الانقلاب.
يا حميدتي هسة الإنتربول جايك في الطريق.. فاحسن تلملم تاتشراتك دي وتسلمها للحكومة قبل ما يجوا يصادروها منك رسمياً بـ "أورنيك 15"! 🏃♂️💨😂
#الحدث_السوداني #قانون_البلد_العجيب
تعليقات
إرسال تعليق